Samples Neo (constructed language)

the task douglas blacklock:

lo diplomata linguos

latin sir, l endo del issepa seklo, l oficala linguo de diplomatio. latine redaktir lo tratalos e l akordos e skambir lo komunikos inte governos. lo last gran tratal ridaktat latine sir lo de westfalio, in 1648; depdan kauzel preeminenta plas trenat pe franso, latin pokpoke cedar plas fransal; e fransal restar l enso d et seklo - 1918 - lo diplomata linguo, lo linguo de tot internasyona medos.

ab 1918, lo diplomata linguos jar du: fransal e anglal. in et du linguos, sir meant lo negosados pol versailles-tratal e pol osa paxtratalos de 1919 e sir ridaktat et tratalos, amba linguos fande fid; dok no sen inkonvenos, lo du textos pande somyes determeni def interpretazos.

do 1945, espanal, rusal e cinal sir admitat oficala linguos. nos nun nel epok de tradukeros e interpretos.

(gino buti)

ka sor l avena diplomata linguo?

sar nel internasyona riunos, konferensos e kongresos, dey num pluar idide, ke lo neso d un monda adlinguo se far senti pluste.

nilo samtempe plu groteska e plu afligifa qam lo spekto ofrat pel kongresistos munat kon udokaskos, ki tentar, sen sem riusi, kapi lo diskorsos pronuncat in def lingoes. diskorsos tradukat aste pe interpretos, dey lo melestas sar force, konforme l itala dikton: tradukeros, trazeros.

es exijur dal parpreneros lo kono d un komuna adlinguo, ke zi pur apreni kon infana izeso, fur ilke un enorma ekonomio de temp, dengo ... e de malkomprenos.

(arturo alfandari)